Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

He kōrero mō te rauemi

Ko te ranga wairua o tēnei rauemi ko ngā waiata e rua me ngā haka e rua – e kīia nei ko 'E te Hokowhitu', 'E Pari Rā', 'Ka Eke i te Wiwī' me 'Haane'. He tino waiata ēnei i whakamahia e ia o ngā ngohi e whā o Te Hokowhitu-a-Tū. He maha ngā kaupapa ka tūhuratia pērā i te tikanga, te tōkeke pāpori, te kaiārahitanga, te pōuritanga me te wairuatanga.

Ahakoa kua tuhia te rauemi nei i te tuatahi kia hāngai ki ngā Tikanga ā-Iwi he mārama ngā hononga ki Ngā Toi, hei tauira, ki Ngā Mahi a te Rēhia. Ka kitea tuihonotia he rārangi o ētahi atu waiata e waiatatia ana e ngā hōia, he mea tito rānei mō ngā hōia. (Pāwhiria ki konei kia kitea ai taua rārangi o ngā waiata.)

Kei roto i ēnei rauemi mā te pouako e whā ngā kōwae ako me ētahi whakaaro mō ētahi mahi. Ka whai ia kōwae ako i te huarahi ‘pakirehua pāpori’. Kua tuhia ngā kōrero nei hei whakamahinga i te taha o te whakaata Kia Mau. Kei runga i te whakaata nei he pakipūmeka poto mō ngā waiata me ngā haka e rua, ā, ka tirohia i pēhea ngā mahi a ngā tāngata i whakarerekē ai i te huringa pāpori i te hītori o Aotearoa. Ka whakaatu hoki te whakaata i ētahi whakaritenga o ngā titohanga e whā.

Ko te whakaaro ka noho ngā rauemi katoa nei hei wāhi tīmatanga e kitea ai e te ākonga i pēhea ngā mahi i mua, ngā tāngata me ngā hapori o mua i waihanga ai i te tuakiri me te ahurea o Aotearoa.


Footer: