Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

Ariā; māramatanga ki te ariā; uara; tirohanga

(Pāwhiria ki konei mō ētahi atu pārongo hei aromātai i ngā ariā, ngā māramatanga ki te ariā, ngā uara me ngā tirohanga e pā ana ki tēnei kōwae ako.)

Me whakaatu te ākonga i tōna māramatanga ki ngā ariā matua, me ōna ake whakaaro mō ngā uara me ngā tirohanga i roto i te wāhanga Tikanga ā-Iwi o Te Marautanga o Aotearoa.

Ko te tikanga o te ariā he whakaaro tukipū e whakapuakina ana ki te kupu kotahi, ki te kīanga māmā rānei. Ko ngā ariā matua i roto i tēnei rauemi, ko te tōkeke pāpori, te kaiārahitanga, te pōuritanga, te wairuatanga, me ngā tikanga.

Ko te māramatanga ki te ariā ko ngā mea e mōhio ana te ākonga e pā ana ki te ariā, arā, ko ngā kōrero tukipū, ngā whakaaro nui rānei.

Ko ngā uara ngā whakapono me te māramatanga o te tangata, o te rōpū, o te hapori hoki.

Ko ngā tirohanga ngā whakapuakanga o ngā tirohanga e whai wāhi ai ngā uara o te tangata.

He whakaaro anō mō te whakamahere kōwae ako

Te hanga māramatanga ki te ariā

Tirohia ngā māramatanga ki ngā ariā e hāngai ana ki ia taumata, me te māramatanga ki ngā hononga i waenga ariā. Tirohia te taunakitanga o te māramatanga ki te ariā mā tō te ākonga āhei ki te whakawhānui atu i tōna māramatanga ki ētahi atu tūāhua whai pānga. (Titiro ki ngā māramatanga ki te ariā tipu haere e ahu mai ana i Kia Mau, i te tēpu e whai nei.)

Te matatini tipu haere o te māramatanga ki te ariā kei Kia Mau

Kupu whakataki: Ko Te Hokowhitu-a-Tū me te papānga o te pakanga ki ngā hapori Māori.

Ariā

Tikanga ā-Iwi Taumata 6:
Tōkeke pāpori

Tikanga ā-Iwi
Taumata 7:
Haepapa me ngā motika

Tikanga ā-Iwi
Taumata 8:
Whakapono
Tōrangapū e waihanga ana i te porihanga

Kaiārahitanga Ngā painga me ngā whakatutukitanga a ngā hōia Māori.    
Tōkeke Pāpori Te ōritenga kore me te whawhai mō te tika. Urunga ki te pakanga
– tirohanga rerekē.
 
Pōuritanga   Papātanga o te ngaronga o ngā hōia ki ngā hapori.  
Wairuatanga     Te hiranga o ngā atua me ngā kaitiaki.
Ngā tikanga e urutau/tipu ana.

Te whakawhanake i te whakaaro whakawāwā

Whakatītinatia ngā ākonga ki te taukumekume/kōrerorero i ngā ariā i runga anō i te ngākau whakaute tētahi i tētahi. Rapua ngā whakaaro auaha, whakawāwā hoki mō ngā uara me ngā tirohanga.

Ngā kitenga tuitui taunakitanga pai rawa

Kia hono ki tō ngā ākonga ao – mā te whakamahi i ngā mea e hāngai ana ki a rātou, e whai wāhi ai anō hoki rātou. Hei tauira, he rangahau i rō whānau, hapū hoki mō ngā hononga ki ngā hōia o Te Hokowhitu-a-Tū, me ngā waiata, haka hoki e whai pānga ana.

Whakahāngaitia ngā wheako ki ngā putanga hira – tautuhia ngā mea kua mōhio kētia, pērā i ngā tāngata rongonui, ngā wāhi me ngā mea kua mahia e pā ana ki te pakanga me Te Hokowhitu-a-Tū, me ngā kaiwhakaatu kapa haka/kaitito/titohanga; whakahāngaitia ngā ngohe me ngā rauemi ki ngā putanga ako e hiahiatia ana; ka whakarato hoki i ngā whai wāhitanga ki ngā ariā me ngā tukanga ako; me te aro ki ngā akoranga o ia ākonga.

Hāpaitia, ka whakapūmau hoki i te akomanga e ako ana; hanga whanaungatanga mā te whakatenatena i ngā ākonga ki te tuari kōrero me ngā wheako; tiritiria te mana e koutou ko ngā ākonga mā te whiriwhiri i ngā paearu angitu mō ngā putanga ako.

Hoahoatia he mahi ako e kaingākau ai ngā ākonga, e whakatutuki ana hoki i te whānuitanga o ō rātou hiahia kipakipa; whakamahia te huhuatanga o ngā mahi ako.

Ngā uara me ngā waiaro kei Te Marautanga o Aotearoa

Whakahaeretia he wheako ako e āwhinatia ai ngā ākonga ki te whakawhanake uara e ako ai rātou ki te māiatanga, te kiritau me te aroha ukauka ki te mātauranga – me te āhei hoki ki te aroha atu ki ētahi atu me te kaha whai wāhi atu.

Āwhinatia ngā ākonga ki te mahi tahi, ki te noho atawhai – ki te matatau haere ki ō rātou hononga whakapapa.

Āwhinatia ngā ākonga kia mātau haere ki ngā uara Māori taketake o te whānau, te hapū me te iwi hei whakarite i tō rātou āhei ki te ao Māori – ki te raupī hoki a te whānau me te pouako.

Āwhinatia ngā ākonga kia mārama ki ngā uara o te ao whānui tonu, kia whakaute tonu rātou i te mana me te wairuatanga o ētahi atu, ahakoa ka rerekē ō rātou anō uara.

Te whakaako hei pakirehua

Whakamahia ngā taunakitanga o ngā rautaki tōtika mai i ētahi atu horopaki kia mōhio ai ko ēhea ngā rautaki tērā tonu pea ka āwhina i ngā ākonga kia ako; whakapūmautia ngā putanga e uaratia ana tērā ka ahu mai i te marautanga, i ngā tūmanako o te hapori, i ngā hiahia me ngā tuakiri o ngā ākonga, me te whai whakaaro ki ngā taunakitanga i Kia Mau mō ngā putanga o ngā whakaakoranga, me ngā papānga o ēnei mō muri atu.

Whai wāhitanga aromatawai

Tautuhia ngā mōhiotanga o mua a ngā ākonga mō Te Hokowhitu-a-Tū. Kimihia tā rātou whakawhanake i tētahi tohenga e whakamahi ana i te whakaaro arorau, te whakaaro whaitake, me te whakaaro auaha mō ngā ariā e tūhuratia ana i tēnei kōwae ako.


Footer: