Kei konei koe:
- Kāinga >
- Pāpāho >
- Ngā whakaata kōwae: Taumata 7 >
- Matene Waetford – he tauira o te kore ōritenga
Tirohia mā te reo: Māori | English
He whakaata anō
Matene Waetford – he tauira o te kore ōritenga
Ka tiritiri a Matene i tētahi tauira o ngā waiaro whakakake o ētahi ki te Māori i muri i te pakanga.
Ngā tuhituhinga
I te haerenga atu, te hokinga mai anō hoki a ngā hōia Māori, ka mau tonu rātou ki te whakapono he ōrite te noho tahi a Tauiwi me Māori ki Aotearoa nei.
Engari i kitea kētia e Matene Waetford ki ngā mahi whakatoihara i te iwi. Hei tāna, kāore tētahi Pākehā i whakaae ki te kuti i ngā makawe o ngā hōia Māori.
Kore e tukuna atu e te Pākehā kia hou atu ki roto i tana whare i te mea he Māori. Ki a mātou i taua wā tonu ko te whakamutunga tērā o te pakanga mēnā mātou i haere. Tāku hoki horekau mātou e mōhio ana mēnā ka pākarukaru i a mātou te toa a te Pākehā, ka aha rānei. E whitu pea rātou i haere ka hoki, ka kōrero ki te mea, ka tū mai anō te rangatira a Hemi ki te pāhi i a mātou, kaua e mahi tērā mahi. Kua mutu kē te pakanga.