Kei konei koe:
- Kāinga >
- Pāpāho >
- He whakaata anō >
- Nolan Raihania – te papānga ki te hapori
Tirohia mā te reo: Māori | English
He whakaata anō
Nolan Raihania – te papānga ki te hapori
E maumahara ana te hōia nō te ngohi C a Nolan Raihania i te papānga o te Pakanga Tuarua o te Ao ki ngā hapori iti pēnei i Te Muriwai.
Ngā tuhituhinga
I te kura tonu au ka tīmata te whawhai i te tau 39, nē rā. Te kura tonu au i Te Muriwai, i te kura tuatahi. Engari i te tau o muri mai kua tukuna au e aku mātua ki Te Aute, te kāreti o Te Aute kura ai. E toru aku tau e kura ana i reira me te hoki mai o ngā kōrero mō te whawhai, te hunga i haere atu i roto i te Rua Tekau Mā Waru, nē rā? Ngā mea o te kāinga. He nui tonu ngā mea o te kāinga o Te Muriwai i haere, he nui rātou i haere. Nā te mutunga ake o taua kura, e hika, ka tiro kua kore he tū pakeke i te kāinga i tērā wā. Kua riro katoa i te whawhai, hoki ētahi hei matemate atu.