Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

Tuini Ngāwai me te Kapa Haka o Te Hokowhitu-a-Tū

Ka kōrero a Tauira Takurua mō te Kapa Haka o Te Hokowhitu-a-Tū me ngā mahi tautoko a Tuini Ngāwai i a Apirana Ngata e whakatenatena ana i ngā tāne kia uru atu ki Te Rua Tekau Mā Waru.

Ngā tuhituhinga

I te tau kotahi mano iwa rau toru tekau mā iwa ka karangatia e Peretānia Nui kia haere a Aotearoa ki te tautoko i te pakanga ki a Tiamana, ā, ka whakaae mai tō tātou kāwanatanga.

I te marama o Whiringa-ā-nuku, ka puta te whakahau a Apirana Ngata me wētahi atu mema pāremata Māori, kia whakatūngia tētahi ope taua Māori. Ka whakaae mai te kāwanatanga, ā, ka whakarauika mai te ope taua Māori rua tekau mā waru.

I taua wā hoki a Tā Apirana Ngata ko ia te tino tangata o taua wā. Ko tōna karanga, koinā ki te iwi Māori, ki te hiki i te karanga o te kīngi, o Kīngi Hori i taua wā, kia haere ki te whawhai. Nā, kei roto i taua karanga whakapā atu a ia ki a ia, ki Nanny Tuini i taua wā.

Koinā kia āwhina ki a ia, ki a Tā Apirana Ngata ki te whakakohi i ngā hōia, ngā Māori nā te mea he kaupapa nui o taua wā. Koinā i te pātai atu i ngā kōkā, ki ngā mea whaea, koinā ki ngā iwi o te motu kia tuku atu ō tama ki te haere ki tāwāhi ki te whawhai. Koinei te mahi a Nanny Tuini, te whakangahau nei te whakarata nei i ngā kōrero tino hōhonu a Tā Apirana. Ka haere a Apirana Ngata ki ōna hui, ānō nei hoki a Nanny Tuini kei muri i a ia, koinei hei tautoko, koinei anō nei hoki ki te āki i ngā hōia, kia kaha, kia kaha mēnā ka tau koe ki tērā whakaaro ki te haere ki tāwāhi, koinei anō nei hoki kia kaha koe ki tērā kia hoki mai koe kia hoki pai mai koe ki te wā kāinga.


Footer: