Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

Te tūranga taketake o ngā wāhine i te whakaaturanga o Ka Eke i te Wiwī

Ka kōrero a Taipari Munro mō te tūranga taketake o ngā wāhine i tētahi ope taua e whakakite ana i Ka Eke i te Wiwī i mua i te haere ki te pakanga.

Te roa: 1:59

Tīkina ake he ataata mō te pūrere FLV (11.59 MB) rānei

Ngā tuhituhinga

I te wā e whakatikangia ana ngā toa ki te haere ki te pakanga ka tohu atu ngā rangatira me ngā tohunga kia whakarōpūtia ngā toa, te taua ki runga i te marae. Kei reira te iwi katoa e noho ana, e mātakitaki ana i te taua me ngā wāhine. E āta mātakitaki ana ngā wāhine kia kite atu ai te ōritetanga o te mahi o te taua katoa, kia peke tahi ki runga, kia tau tahi ki raro, kia mahi tahi ngā ringaringa, te mau i te rakau, te taiaha, te tewhatewha, ēnā āhuatanga katoa. Mehemea ka tū ngā wāhine ki te haka ki te taua, ka puta atu rātou ki mua i te aroaro o te taua, ā, ka hakangia ngā wāhine me ō ratou taiaha, mau patu, ēnā tūmomo āhuatanga, he tohu pai tēnā. Engari me kore ngā wāhine e tū ki te mahi i te mahi nei, mōhio tonu atu ana ngā tohunga me ngā rangatira, kua kite atu rātou i te tohu kino, nā reira ka kore rātou e haere ki te pakanga. Ko ia tēnā ko te take ka āta mātakitaki ngā wāhine ki ō rātou taua, ki ō rātou tāne e haka ana i te haka nei.


Footer: