Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

Ka kōkiri a Te Arawa me te RSA o Rotorua i te take

Ka kōkiri a Te Arawa me te RSA o Rotorua i te take kia whakawhiwhia ā-murimate te V.C. ki a Haane – ko te mutunga iho ko te hoatutanga a Pirinihi Anaru i ētahi taonga e toru.

Te roa: 1:47

Tīkina ake he ataata mō te pūrere FLV (7.13 MB) rānei

Ngā tuhituhinga

Ka tīmata te whai a Te Arawa i roto i te ture. Ka whakatakotohia tā rātou kerēme ki mua i te Rūnanga Whakamana i Te Tiriti o Waitangi.

Mai i reira ka hono atu te kāwanatanga o Aotearoa ki te kaupapa nei, ā, ka haere ngātahi atu tā ratou tono ki Ingarangi, ki a Kuini Irihāpeti.

Heoi, nā runga i te whakatau a tōna pāpā, a King George i te tau whā tekau mā iwa, me whakamutu te tuku i te Rīpeka o Wikitōria ki ngā hōia, kāre i ea te take nei.

Ahakoa tērā ka whakaae atu a Kuini Irihāpeti ki te whakarangatira i a Manahi ki ētahi atu tohu ikeike mō ōna mahi i te pakanga. Ka toru ngā taonga i tukuna atu e ia hei tohu mō te Atua, mō te Kīngi, mō te whenua.

Ko te sword, ko te altar frontal cloth me te pikitia o te Kuini o Ingarangi, i homaitia e ia ki a mātou nei te iwi o Te Arawa, āe, mō ngā mahi a tōku pāpā engari he wērā, he koha mō te iwi.

Nā te tamaiti a Kuini Irihāpeti, na Pirinihi Andrew, ngā taonga i tuku i tētahi hui nui ki Te Papaiouru Marae i Ōhinemutu.

Kei te whare karakia o St Faith te kākahu ahurewa. Kei te RSA o Rotorua ngā tuhituhinga a te Kuini e pae nei. Ā, ko te kaitiaki o te hoari whakahōnore a Manahi ko te manukura o Te Ope Kātua o Aotearoa.


Footer: