Tirohia mā te reo: Māori | English
He whakaata anō
Ngā kupu o te haka Haane
Ka kōrerotia e Uenuku Fairhall ngā kupu nāna i tuhi mō te haka Haane. Ka kitea i roto i te marae o Tamatekapua te tekoteko i tāpaetia hei whakamaharatanga ki a Haane Manahi.
Ngā tuhituhinga
Haane! E koro e!
Ka rongo, ka rongo
He iwi kotahi tātou
Ahakoa, ko wai
Ahakoa, nō hea
He tangata, he tangata, he tangata.
Koinā tā rātou e kī ai
Ka horihori ngā ngutu tere!
Nā, ka rarapa te mura o te ahi
Kia hiwa rā! Kia hiwa rā!
Ka rongo te iwi Māori
Ka rongo ka rongo
Muia ngā tari hōia e te tini o ngā uri o Tūmatauenga
He aha koa! He aha koa!
Ko tā rātou i whakarite ai mō te pōkai tara?
He ngārahu Pākehā
Mā te karoro ngā kākā e arataki
Mahi kūware!
Mahi tinihanga!
Engari Tā Apirana mō te Niu Tīrenitanga he aha tā rātou i utu ai?
Rātou i haere konihi mai i te maru o te Tiriti!
Ahakoa tō tātou kaha
E kore e ea – kore kore rawa
He utu nekeneke, he utu nekeneke
Haane, e koro e
Tangata wehi kore
Tangata māia
Tītoko o te rangi whakawhiti o te rā
Ka haruru te whenua i Takaruna e.