Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

Uenuku Fairhall – te whakamahi tohu, pohewa anō hoki

Ka matapaki a Uenuku ka pēhea ia e tīpako ai i ngā āhua pohewa hei whakarei ake i ana kupu.

Te roa: 2:22

Tīkina ake he ataata mō te pūrere FLV (8.65 MB) rānei

Ngā tuhituhinga

He aha koa! He aha koa! Ko tā rātou i whakarite ai mō te pōkai tara? He ngārahu Pākehā. Mā te karoro, ngā kākā e arataki? Mahi kuare, mahi tinihanga.
I te tīmatanga i whakarite, i whakarite au ko ngā Pākehā, te ngārahu Pākehā o tētehi rōpū hōia ki te karoro, anā, te manu rā. Mōhio ana koe ko te tangi a te karoro he mea akiaki nei, au au nei, ā, ka whakaaro au, o, he tika tērā mō tētehi ngārahu Pākehā me te tae hoki o ngā huruhuru o te karoro e ārahi nei i ngā kākā, ko ngā kākā i te mea he hoihoi hoki ngā Māori, engari ko te kākā he manu nō te ngahere, nō te whenua nei ehara nō whenua kē atu pērā me te karoro kua haere ki te ao katoa pērā i te Pākehā kua haere ki ngā pito katoa o te ao. Koinei i whiri ai i te karoro hei tohu mō te ngārahu Pākehā, anā, ko ngā kākā mō ngā hōia. Anā, me te rārangi, me te pātai nei mā te karoro ngā kākā, i te tīmatanga i tuhi, i tito ai au i ‘ārahi’ engari whakaaro au he aha anō tētehi kupu kē atu ana ko te arataki, koinā te kupu mō te manu matua e rere atu ana i mua ana kei te whai atu ērā atu o ngā manu. Pai kē te kupu arataki kia hāngai ai ki te ao o te manu me te mea hoki he nui ngā kōrero, ngā whakataukī hoki e kōrero ana mō ngā hōia, ānō he manu te pokaitara e kōrerohia nei. Ehara i te mea ko te hanga o ngā kupu engari kia whakarite hononga anō i roto i ngā hononga, koinā taku tirohanga anō, koinā taku tino rārangi mā te karoro ngā kākā e arataki.


Footer: