Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

Te kaiārahitanga a te wahine

Ka whakamārama a Tauira Takurua i tā te wahine mahi mau i te ahi kā i ngā tāne e pakanga ana i tāwāhi.

Te roa: 2:31

Tīkina ake he ataata mō te pūrere FLV (12.38 MB) rānei

Ngā tuhituhinga

I waenganui i ngā tau kotahi mano iwa rau toru tekau mā iwa ki te whā tekau mā rima i te kaha tautoko te iwi katoa o te motu i ngā āhuatanga o te Pakanga Tuarua. I ngaro atu ngā tama toa a tēnā iwi, a tēnā iwi, ngā kaiārahi o te hapū, ki te pakanga.

Nā tēnei, i whakakīkī ngā whārua i roto i te iwi i ngā wāhine. Mai i ngā mahi taiwhenua ki ngā mahi tino pūtake o te pakanga, i tahuri atu ngā wāhine Māori ki ngā āhuatanga katoa kia ora tonu ai te whānau, te hapū, te iwi. I taua wā, i ngā tau whai ake ka kitea ake te kaha o te manaakitanga me te tautoko o te wahine hei kaiwhakaruruhau i tōna iwi.

...te mahi a te wahine kei roto nā i te wā o te pakanga, ko taua wā tonu koirā ko ngā wāhine o konei ki te haere ki te kohikohi i ngā kai, whakamaroketia ēnā, iringia, whatangia i rō pāwhara. Koia nei i roto nei i tō matou waiata mō tērā te āhua he wahine toa, koinā nā te mea ko rātou i te pupuritia i te mau i te ahi kā o te kāinga nei me ngā kāinga katoa o te motu. Ko ērā i te wehetanga o nga hōia ko ngā pakeke kē kei te noho tonu mai. Ko ngā pakeke e noho tō rātou ki konei i te whakakā tonu i ngā ahi ... kia ora ai te hapū, te whānau, kia ora ai rātou i taua wā tonu.


Footer: