Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

Ngā āhua pohewa whakameremere i E Pari Rā

Ka kōrero a Tama Huata mō tā Paraire Tomona whakamahi i te mātauranga Māori i te waiata E Pari Rā ki te whakapuaki i te aroha o te whaea ki tana tama. Nā te timu me te pari o ngā tai tēnei i whakaatu.

Te roa: 2:07

Tīkina ake he ataata mō te pūrere FLV (7.83 MB) rānei

Ngā tuhituhinga

Me huri tātou ki te kauae runga, kauae raro, arā, me ngā ngaru tuawhitu a Tangaroa, ngā kōrero o te tātaitanga o Tangaroa mō te whaea a Papatūānuku. Nā, ka hurihia tēnā kōrero tawhito, tēnā kōrero o neherā, arā, ka puta mai te waiata nei kei roto i tēnā āhuatanga. Ko te ngaru i whatia i te oneone ka tae ki te one. Koinā te wā i mirohia ai ngā whakaaro, ngā wawata o tētahi kāore i hurihia ki te whaea. Ko te tauira mō tēnā ko Papatūānuku. Otirā mō E Pari Rā te waiata ōrite ki te whaea. Nā, ko te tātaitanga o te – o ngā ngaru a Tangaroa ka whati mai ki uta, arā, ka tātai me te hinengaro o te whaea. Ka huri, ka heke ngā roimata o te whaea, arā, ka heke iho mai ki ngā ngaru, arā, ka whakarere atu, ka hoki atu ngā aroha, ngā manaakitanga o te whaea, arā, i tēnei wā mō te tama a Te Tomo.


Footer: