Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

Nā wai i āki ngā tāne ki te pakanga? Pēhea? He aha ai?

Ka whakamārama a Taipari Munro rāua ko Pita Tipene he aha i whakatītina ai a Tau Henare kia uru atu ngā tāne ki te rōpū Rua Tekau Mā Waru me ngā take i kaikā ai ngā taiohi Māori ki te haere ki te pakanga.

Ngā tuhituhinga

Ko ngā kaiwhakaakiaki i a Ngā Puhi kia haere atu rātou ki te Pakanga Tuarua ko Tā Apirana Ngata rāua ko Tau Henare, te mea i reira rāua i roto i te Whare Pāremata i tērā wā. E kaha nei a Apirana Ngata ki te whakaakiaki i ngā tama toa, puta noa i tō tātou motu kia haere atu rātou ki te pakanga. I ngā kōrero a ngā kaumātua o tērā wā, me te kaumatua nei i a Tau Henare, ko ā rātou kōrero kia hoki atu ngā hōia o te Rua Tekau Mā Waru ki te ngaki i ngā mate o ngā hōia i tae ki te Pakanga Tuatahi. Ko te āhuatanga tēnā o te Māori, he ngaki mate, he rapu utu mō te matenga o ō rātou whanaunga.

Ko ētahi i mea ai i te hiahia rātou ki te kite i te ao nā reira kāhore he huarahi i tua atu i te haere i roto i ngā kākahu hōia ki te tirotiro i te ao me tētahi o ngā mea pai ki a rātou ina mau koe i ngā kakahu hōia, kei reira ka tirohia koe e ngā cedar papai ngā hanga.

Te nuinga o rātou he taitama nā reira i kaha nei tō rātou hiahia ki te haere ki whenua kē.


Footer: