Kei konei koe:
- Kāinga >
- Pāpāho >
- Ngā whakaata kōwae whakataki >
- Nolan Raihania – ko te māmā o te ako i te reo Itāriana
Tirohia mā te reo: Māori | English
He whakaata anō
Nolan Raihania – ko te māmā o te ako i te reo Itāriana
Ka whakamārama a Nolan Raihania he aha i māmā atu ai ki ngā kaikōrero o te reo Māori ki te hopu i te reo Itāriana i ētahi atu.
Ngā tuhituhinga
E kī rā kia hoki mai mātou i te whawhai i mua, kia hoki mai ki te whakatā, ko ērā whakaritenga wāhi noho mō mātou. Kāre i roto i ngā tāone, engari i roto i ngā kāinga pēnei i konei nē – nō te mea nei mātou i rō whare, i roto i ngā whare. Mō ngā Itāriana, tino rata mai rātou ki a mātou, ngā mea Māori i te mea, he tere nō mātou ki te hopu i tō rātou reo. I tere ia te hopu i tō rātou reo nā te mea ko ngā whakahua he rite anō ki tā rātou whakahua i ngā A E I O U nē? Ko ērā tō te whakahua kāre i rite ki tā te Pākehā nei te A E I O U nē rā ... Mō te Kia Ora ki a rātou ko te Buon giorno, ko te good morning tērā. Buon giorno. Kāti ki te Pākehā Bon jorno, kāti ka hē ki ō rātou taringa nē rā? Engari ki a tāua te Māori ka hē anō hoki ō tāua taringa ki te whakahua a te Pākehā. Come state? Kei te aha koe? – Bene, bene – ki te Pākehā benny.