Kei konei koe:
- Kāinga >
- Pāpāho >
- Ngā whakaata kōwae: Taumata 7 >
- Nolan Raihania - tangihanga me te kore tūpāpaku
Tirohia mā te reo: Māori | English
He whakaata anō
Nolan Raihania - tangihanga me te kore tūpāpaku
Ka kōrero a Nolan mō tana kite wheako i tētahi tangihanga mō tētahi hōia i mate i Te Pakanga Tuarua o te Ao. Kīhai i taea te whakahoki i tana tūpāpaku ki Aotearoa.
Ngā tuhituhinga
Ka mate tētahi o te mea tuatahi tō Te Muriwai, ko Pera Kemp. Hanga roa tērā tangihanga i te mea kāore he tūpāpaku i te marae. Haere tonu ka kite koe ko ngā whakaahua anake i reira, ngā whakaahua o ngā kuia rā, o ngā koroua rā, ā, o te hōia rā hoki kei reira.
Ā, kāti i tera wā hoki e kore i taea te whakahoki mai ngā tūpāpaku i te mea, kāre he rererangi i tērā wā. He roa rawa te whakahoki mai mā runga tīma.
Te whakahaere o ngā tangihanga mō ngā hōia i mate atu, ānō nei kei reira te tūpāpaku e takoto ana. Kāre rawa atu au i mātau atu ki tērā āhuatanga. Haere tonu te tangihanga toru te wha rā – rima atu. Kātahi te mea tauhou ko tērā
Kāre e kore kei te pērā katoa ngā marae me kī o Aotearoa whānui tonu, engari koirā te aroha o te iwi kāinga, nē rā?