Kei konei koe:
Tirohia mā te reo: Māori | English
Te tikanga o te waiata E Te Hokowhitu
Ka kōrero a Tauira Takurua rāua ko John Coleman mō te waiata a Tuini i whakaatu tuatahitia ki te whakamihi i a Rūtene Moana-nui-a-Kiwa Ngārimu V.C.
Ngā tuhituhinga
'E te Hokowhitu ā-Tū' me 'Te Ope Tuatahi' ko ērā rā ngā waiata i tito te kuia nei mō te hui e pā ana mō te V.C. ki a Te Moana-nui-a Kiwa Ngārimu i roto Ruatōrea i muri mai te mutunga o te pakanga. Ā, i reira ka waiatatia 'E Te Hokowhitu-a-Tū' me 'Te Ope Tuatahi' nā te rōpū Hokowhitu-a-Tū o te kainga nei te rōpū i waiatatia tēnā waiata.
Ko taua waiata he waiata hei āki i ngā hōia Māori o taua wā ki te whawhai, kia ora ai, kia hoki mai ki te kāinga. Te Hokowhitu-a-Tū kia kaha rā. Kāti ra te hingahinga ki raro rā.
He wāhanga koinā mōna, mō Ngārimu. Ngārimu, auē, anei ō mokopuna e, engari i taua wā ō hoa. Nā te mea kua tino hoa rātou i taua wā ki a ia.
E rurutu nei. Koinā kei te korero mō ngā roimata, koinā e rurutuhia nei mōna, mō Te Moana-nui-a-Kiwa Ngārimu koirā i taua wā.
I tēnei wā kei te haere tonu, kei te haere tonu ēnā waiata nō te mea te pai hoki o tō tātou rōpū Te Hokowhitu-a-Tū. Kei te wānanga tonu tātou ki ōna waiata kia mōhio te katoa, kei te ako tonu mātou ō tātou tamariki mokopuna nā te mea e kore ngaro, e kore ngaro ōna waiata.