Te whakauru i te whānau

I mua i te whakaako i tēnei ki te ākonga ka pōwhiritia pea te whānau me ngā mema o te hapori ki te mātakitaki i ētahi tangohanga i te whakaata 30 meneti te roa, ā, ki te whiriwhiri whakaaro me pēhea pea rātou e tautoko ai i te akoranga nei.

Ānei he whakaaro hei wānanga:

• Ko ngā toa pakanga i te rohe
• Ko ngā whakapono o te iwi e pā ana ki ngā atua/tīpuna/kaitiaki
• Ko te tiritiri whakapono hei whakarei i te māramatanga ki ngā kaupapa Māori
• Ko ētahi atu waiata, haka i whakaaturia e ngā hōia, i titoa rānei mā rātou
• He kaitito o te wā o te pakanga e noho ana i te rohe
• He kaitito o tēnei wā, ā, ko ngā tāngata matua me ngā tino wāhi i te rohe e tino whai pānga ana ki te kaupapa.

Kei roto i te rauemi nā Te Tāhuhu o te Mātauranga Te Mana Kōrero, he kōrero anō e pā ana ki te whakaurutanga o te whānau.