Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

He waiata me ngā haka

Ka tiakina e ngā kupu me ngā kīanga o tētahi waiata, haka rānei te mātauranga me ngā mōhiotanga o ngā tīpuna.

I ngā rā o mua waiatatia ngātahitia ai te waiata, me te ruarua o ngā nekenga ā-tinana, ā-ringa, me te kore taonga puoro hei haere tahi.
Engari kē ko ngā waiata o ēnei rā ka:

  • waiatatia me te taonga puoro
  • whai ōrua
  • whakaaturia me te whānuitanga o ngā mahi ā-ringa, ā-tinana hoki (e uaua ana ēnei i ētahi wā).
Ko te Hokowhitu-a-Tū e haka ana i ihipa pea.

Ko te Hokowhitu-a-Tū e haka ana i Ihipa pea.WWII © Alexander Turnbull Library, Te Whanganui-a-Tara, Aotearoa
. Tohutoro: A-00891-F

Ko te waiata "E te Hokowhitu" (te waiata i tīpakotia i tēnei kohinga hei tohu i a Ngohi C ) he tauira rawe o tō te Māori kaiaka ki te whakamahi i ngā rangi o te wā me te hoatu i a rātou ake kōrero kia tau ai ki te horopaki. Ko tōna rangi te rangi o te waiata nā Glenn Miller me tana Pēne Nui, arā, ko "In the Mood". E tohu ana i Te Hokowhitu-a-Tū – ina koa i a Rutene Tuarua, i a Moananui-a-Kiwa Ngarimu V.C.

E ai ki te kōrero, ko te waiata "E Pari Rā" (i tīpakotia hei tohu i a Ngohi D) he rangi i tango i Tiamani, arā, ko te "Blue Eyes Waltz", i te mita 3/4.

Ko te tikanga, e haere kōtui ana te haka ki te tāne me te pakanga, engari arā ētahi atu momo haka e whakaaturia ana e te wahine me te tamariki.

Ko te haka peruperu (pēra i "Ka Eke i te Wiwī", i tīpakotia hei tohu i a Ngohi A) e mōhiotia nei mō āna nekehanga whiti, ā, whakaaturia ai i ngā wā o mua i mua i te pakanga, hei tuhi i a Tūmatauenga, hei whakamataku hoki i te hoariri. Me tino hāngai, me tino ngātahi te whakaaturanga o tēnei haka, kei tūpono te kino ki ngā toa i te pakanga.

Ko te haka taparahi he haka tino whai kawa. Ko "Ka Mate" (nā Te Rauparaha), me "Haane" (te haka i tīpakotia i konei hei tohu i a Ngohi B) ētahi haka taparahi. Ka whakanui a "Haane" i ngā mahi i mahia e te hōia a Haane Manahi me tōna ora.

He kōrero anō mō ngā waiata/haka i tēnei rauemi

Te Hokowhitu-a-Tū

Waiata/haka

Kaupapa

Ngohi A

"Ka Eke i te Wiwī"

  • He haka peruperu/tūtū ngārahu me ngā kupu tāukiuki, tōna ake tikanga ahurei e whakamahia ai te peke mai i tēnei taha, ki tērā taha me te hiki ngātahi o ngā waewae e rua me te tau ngātahi ki te papa i te wā kotahi.
  • I whakamahia i ngā wā o mua hei whakamataku i te hoariri – ka kitea ināianei hei haka pōwhiri.
  •  Atua/wairuatanga
  •  Kaha/toa
  •  Tikanga e huri haere ana
Ngohi B

"Haane"

  • He haka taparahi ka whakaaturia i te whakataetae kapa haka ā-motu.
  • He tikanga haka i kitea noatia
  • Kaitito o nāianei.
  • Tōkeke pāpori
  • Kaiārahi/kaiārahitanga
  • Kaitiakitanga
Ngohi C

"E te Hokowhitu"

  • He waiata ā-ringa nā Tuini Ngāwai.
  • He waiata piu i te mita 4/4.
  • Kaiārahi/kaiārahitanga
  • Tirohanga a te wahine (te kaitito)
  • Pūmahara
Ngohi D

"E Pari Rā"

  • He waiata ā-ringa nā Paraire Tomoana.
  • Hītoru i te mita 3/4.
  • Whakahere
  • Tirohanga a te wahine (te whaea)
  • Pōuritanga me te ngaronga

Footer: