Kei konei koe:
- Kāinga >
- Aratohu mā te pouako >
- He kōrero mō te rauemi >
- Ngā hononga ki ngā Tikanga ā-Iwi
Tirohia mā te reo: Māori | English
Ngā hononga ki ngā Tikanga ā-Iwi
Mā tēnei rauemi e tūhura te ariā matua o ngā Tikanga ā-Iwi, "te whai wāhi ki te porihanga" i ngā taumata marautanga 6–8 o ēnei whenu e rua, "Te Whakaritenga Pāpori me te Ahurea" me "Te Ao Hurihuri’"
Mā roto i te whenu tuatahi, arā, ko "Te Whakaritenga Pāpori me te Ahurea", ka taea e te ākonga te whakawhanake i ōna mōhiotanga me ōna māramatanga ki:
- ngā hononga o te ahurea ki te tuakiri o te tangata me ngā putanga iho o te pāhekohekotanga ahurea
- ngā take me ngā huarahi e whakarite ai te tangata i a ia anō ki te whakatutuki i ōna matea
- ngā motika, ngā tūranga, me ngā haepapa o te tangata i a ia e pāhekoheko ana i waenga rōpū.
Ko te Hokowhitu-a-Tū e hīkoi ana i Maadi, i Ihipa. © Alexander Turnbull Library, Te Whanganui-a-Tara, Aotearoa . Tohutoro: DA-01076-F
Mā roto i te whenu tuarua, arā, ko "Te Ao Hurihuri", ka taea e te ākonga te whakawhanake i ōna mōhiotanga me ōna māramatanga ki:
- ngā pānga i waenga i te tangata me ngā tūāhua o mua, ngā whakapono me ngā whakaawenga i waihanga, e waihanga tonu nei i te porihanga
- ngā whakamāoritanga o aua pānga i te huringa o te wā.
Ahakoa i te tuatahi i tuhia mō ngā Tikanga ā-Iwi, he mārama o ngā hononga ki Ngā Toi (ki ngā whāinga paetae taumata 6 ki te 8 o Ngā Mahi a Te Rēhia).