Kei konei koe:
- Kāinga >
- Pāpāho >
- Ngā whakaata kōwae: Taumata 8 >
- Te pūtake o te haka Ka Eke i te Wiwī
Tirohia mā te reo: Māori | English
He whakaata anō
Te pūtake o te haka Ka Eke i te Wiwī
Ka kōrero a Taipari Munro mō te pūtake o te haka o neherā me te whakamahinga e ngā toa hei karakia.
Ngā tuhituhinga
I ahu mai tēnei haka i Hawaiki i te wā o Kupe. I pakaru mai tētahi pakanga i waenganui i ngā iwi o Hawaiki. Ko ia tēnā ko te take i haere mai a Kupe me tana iwi ki konei ki Aotearoa nei. Ka noho a Kupe ki konei ki Aotearoa nei mō te wā kātahi ka hoki atu ia ki Hawaiki. Ka tae atu ia ki Hawaiki pakanga tonu ana tērā iwi. Nā, ko te ingoa o tērā pakanga ko te moremore tākīkī. Nā, e mea ana ngā kōrero o te wānanga i hakangia ngā toa i te haka nei i mua i tō rātou whakaekenga i te pā. Te kōrero o te haka ka eke i te wiwī ka eke i te wawā, tāku e whakapae ana ko te wiwī me te wawā he kōrero tēnā mō ngā keringa me ngā taiapa o te pā. Ko te āhuatanga o te haka, ahakoa mea ana he haka, engari e kite ana ko te āhuatanga o tēnei haka he karakia. He karakia kia taea ngā toa ki te hou atu ki roto i te pā.