Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kei konei koe:

Tirohia mā te reo: Māori | English

Te urutau tikanga

Ka whakamārama a Taipari Munro i te awe o te whakapono Karaitiana ki te pāpori Māori i Te Tai Tokerau, ā, ko te mutunga mai i pēhea i urutautia ai ngā tikanga taketake.

Ngā tuhituhinga

I te wā o te taetanga mai a Pākehā ki konei ki Aotearoa nei, ka haere tahi mai ko ngā mihinare. Ka haere mai ki konei hei kaiwhakaako, hei rata, hei kaiāwhina i te iwi. I tērā wā ka pakaru mai ngā pakanga i runga i tō tātou motu. Ko ngā kaiwero, ko mātou o Ngā Puhi. I whakamutu atu ēnā pakanga i runga i te ngenge o ngā hapū o Ngā Puhi i ērā tāima ki te pakanga. Ka huri atu rātou ki ngā mihinare ki te rapu i te oranga mō rātou. I runga i ngā kōrero o ngā mihinare, “E, ko te Karaiti tō koutou kaiwhakaora i te mea i mate ia i runga i te rīpeka hei utu mō ngā hara o te ao.” I reira ka whakaarongia rātou kia whakarērea e rātou ngā āhuatanga o Tūmatauenga kia kuhu atu rātou ki roto i ngā āhuatanga o Rongomaraeroa. Ka tū te pōwhiri ki waho ki runga i te marae o Tūmatauenga, o Tūkariri i reira ka kite atu i ngā tikanga o Tūkariri. Ko ia tēnā ko te take i mauria mai ngā āhuatanga o te pōwhiri mai i te marae o Tūmatauenga ki roto i te whare o Rongomaraeroa. Ko te mea nui ko te aroha. Ka kuhu mai te manuhiri ki roto i te whare, ka mutu tā ratou tangi i runga i ngā maumaharatanga ki ō tātou mate, ā, kātahi ka haere atu rātou ki te hariru haere i ngā iwi katoa i roto i te whare tuatahi i mua atu o te tīmatatanga o ngā mihi.


Footer: